Kultura eta ikerketa metodoak (Antropologiako definizoak)

Akulturazioa: Talde ezberdinen kontaktu zuzenaren ondorioz sortzen den ezaugarri kulturalen elkartrukea. Talde guztien edo batzuen patroi kulturala alda daitezke, baina taldeak beti ezberdin mantenduko dira.

Azpikulturak: Tradizio elkartuak, gizarte konplexu berean, baina, sinbolo kultural desberdinetan oinarrituak.

Behaketa partehartzailea: Teknika etnografikoa antropologiarekin lotura handia duena. Behatzen, deskribatzen eta aztertzen ditugun gauzetan parte hartzean datza teknika hau.

Berezko asmakizuna: Patroi edo ezaugarri kultural beraren garapena, kultura bananduetan, beharren eta antzeko inguruneekiko egokipenaren ondorioz.

Emik: Bertakoen azalpen eta irizpideen esanahiean oinarritzen den ikerketa estrategia.

Erlatibismo kulturala: Kulturen patroi eta baloreak desberdinak izan arren, errespetuta behar diren jarrera. Muturrera eramanda, kulturak bere terminoetan soilik epaituak izan behar direla argudiatzen du.

Eskubide Kulturalak: Doktrina hau, zenbait eskubide talde identifikagarrietan, gutxien erlijioso edo etnikoetan eta lekuko gizarteetan berrerortzen direla defenditzen du. Talde bat bere kultura babesteko, bere seme-alabak haien arbasoen modura hezitzeko, haien hizkuntza erabiltzeko, eta haien oinarri ekonomikoa estatu nazionalak ez kentzeko eskubideak barnean daude.

Etik: Behatzailearen ikuspuntua, bertakoen irizpideen esanahiak, azalpenak eta kategoriak baino gehiago nabarmentzen duen ikerketa estrategia

Etnozentrismoa: Norbere giza taldea, herrialdea edo nazionalitatea goraipatzeko joera eta beste gizarteak baloratzean, norberaren gizarte edo etniako arau eta balio estandarrak erabiltzeko joera.

Ezaugarri orokorrak: Gizarte batzuetan, baina ez guztietan, existitzen den molde edo bereizgarri kulturala.

Gizartea: Giza talde bat da, erlatiboki independentea, iraunkorra, toki batean lekutua, kultura bat partekatzen duena eta bere elkargorik gehienak talde horren barruan dauzkana.

Gizarte konplexuak: Herrialde; Gizarte handiak eta jendetsuak, geruzaketa sozial eta gobernu zentralizatuekin.

Hedapena: Kulturen arteko maileguak, bai modu zuzenean, zein bitartekarien bidez.

Kultura nazionala: Esperientzi kulturala, sinesmenak, ikasitako jarrera moldeak eta nazio edo herrialde bereko biztanleek konpartitzen dituzten baloreak.

Nazioarteko kultura: Muga nazionaletatik baino harago edatzen diren nazioarteko tradizio kulturalak.

Metodo genialogikoa: Etnografoek ahaidetasuna, filiazioa eta ezkontzak aurkitzeko eta erregistratzeko erabiltzen duten prozedura; diagramak eta sinboloak erabiliz.

Onarpen informatua: Etnografoek ikerketan parte hartzen duten elkarteko kideekin lortzen duten adostasuna.

Sinbolo: Zerbait, hitzezkoa ala ez hitzezkoa, edonola eta konbekzioz beste gauza bat adierazten duena, ez du nahitaez lotura naturala eduki behar.

Unibertsala: Kultura guztietan existitzen den zerbait.